BADITUZTE IRABAZLEAK I´M BIZI ETA PRECIOUS PLASTIC EKIMENEK

I´m Bizi eta Precious Plastic Durangaldea ekimenek, jasangarritasunaren eta birziklatzearen inguruko kontzientzia sortzeaz gain, eskualdeko gazteen ekintza- eta sorkuntza-gaitasunak sustatzea helburu dutenak, badituzte dagoeneko talde irabazleak. DBHko, batxilergoko eta lanbide heziketako mailetako gazteek osatutako taldeak prozesuan murgilduta egon dira iazko urriaren erdialdetik urtarrilaren bukaera arte.

Prozesu osoan zehar proiektuka lan egin dute bi ekimen hauetan, Design Thinking metodologia oinarri hartuta, lehenengo ikerketa eta analisi fasearekin hasi dira, eta, azkenik, beren ideia pitching tresnaren bide aurkeztu dute. I´m Bizin ez bezala, Precious Plastic Durangaldean birziklapenarekin eta ekonomia zirkularrarekin lotutako proiektuetan lan egin dute, Precious Plastic bezelako birziklatzaile eta sortzaileen komunitate baten misioarekin bat eginez.

I´m Biziren kasuan, proiektu irabazlearen saria Ermuak jaso du, eta proposamenik osoena eta berritzaileena BHI institutuko DBH 4ko ikasleena izan da. Kasu horretan, etxean energia aurrezteko argi-sentsore bat zen proiektua.

 Bestalde, Precious Plastic Durangaldeari dagokionez, bi sari banatu dira, bi proposamen horiek oso sendoak izan baitira. Lehenengoa Ibaizabal Ikastolara joan da, talde horrek mahaietako herrena berdintzeko plastiko birziklatuz egindako tako bat proposatu du. IES ERMUA BHIra ere joan den beste sariak, hautsontzi eramangarri bat proposatzen du zigarrokinak botatzeko, azken hori ere plastiko birziklatuz egina. Taldeei ematen zaizkien sariak Elkar liburu dendan gastatzeko erosketa-baleak dira, 200 eta 100 eurokoak.